Cebiovet é un centro de investigación veterinaria que depende do hospital veterinario Rof Codina de Lugo, que á súa vez está vinculado á facultade de veterinaria do Campus de Lugo da USC. A Fundación Rof Codina contactounos para levar a cabo este fermoso e moi traballoso proxecto. Precisaban dúas cousas: por unha banda, un logo para Cebiovet; e por outra a sinaletica do centro; e todo isto contrarreloxo. Despois de analizar o centro creamos un código para identificar as diferentes zonas do centro por cores, e outro código para identificar as 600 estancias do centro con números, de xeito que o propio código da estancia da información sobre o módulo no que está ou a zona dentro do módulo… un verdadeiro esnaquizamiolos!
